bkk + phuket trip 09 - DAY 2

Day 2
等最重要ge大小姐起左身...我地先打的去水門區/big c一帶都只係$5x b...少少塞車...不過d的士司機好多時都唔知邊到打邊度...所以我地都要幫眼望下去到邊再嗌佢轉左/右同停車...好順利咁行到去super rich唱錢...兌4.36...不過兌幾多都要唱ga啦...唔通唔駛用咩

兌完錢經過一條臭河就會見到粉衫姐姐ge水門雞飯...雞同飯都係不過不失...不止於好好食...只係佢個汁好得...碟飯太細...食完行前少少見到有串燒...又坐或食少少...都ok ge...個satay甜左少少...食飽之後就開始不停行ge一日...行ge範圍都係圍住呢區行...商場唔多啱行...行街邊又熱得滯...所以我地只可以行下街邊又要入去商場過冷河...行左大半日真係攰c人...我地就入左一個幾"dau mau" 既商場做腳底按摩...99b/40mins...好得wor...平到嘔ge價錢...*****享受 (唔計環境)

按完見有少少餓...商量下dinner點解決...當打算去建興ge時候...先發現唔記得帶建興地址...姐娥又無mark底...最後決定打的去"又話啦"...去到果度無資料係手都唔係問題...跟住有個好好心ge 泰令女見我地望住張地圖好耐...行埋黎問我地想去邊...我就話 "又話啦"...佢教我地搭巴士...其實如果唔係帶住亞囡ge我一定會考慮巴士...但係當日亞囡行左成日扇好比面...taxi啦...佢都好好話我地知...打的約7-80b...早講啦...我地話晒都3大1細...打的抵好多...不過大家搭taxi要留意...就算係跟錶計...佢地都好興人未上車個錶已經起左...

去到唐人街感覺好好...我地見入到唐人街...就嗌司機停埋一邊落車就ok...好好彩...停正係t & k前少少...唔駛同圍搵食...因為我懶...無乜搵到bkk資料...亦都無print定出黎...只係網上見過有人提係t & k食野都ok...咁我地係街頭影左幾張相...就入左t & k食飯...呢餐飯好得...好掂...而且超平...食飽就再周圍行啦...團友們一致認為黎到bkk矛奶油唔食翅...但係又飽得滯...唯有周圍行等落格...一路行發現有好多間林真香(上網見好似話得1間...其他係假野)...不過...又係係無搵料之下...入左間我地覺得係正舖ge買下手信又試食下啦...買完亞囡嗌好攰...咁就急急腳行去食個煲仔翅就打的走囉...舖頭d人好好...見我地搭的士...主動幫我地同司機講酒店名/地址/同跟meter...不過呢個司機仲衰格...我係last上車...上得1隻腳佢就想開車走人...又係多得舖頭d人嗌住佢停...

返到酒店就要開始執定野...因為我ge過失...令到大家聽日都要倒塔咁早起程轉機去phuket...sorry ar....