bkk + phuket trip 09 - DAY 4

DAY 4
0800司機就準時到酒店接我地...再去多2間酒店接多3個無咩禮貌ge法國妹同3個唔知咩國家ge外國人就出發去碼頭...車程都係20min左右...到步就見到同船其他團友已經等緊...攪到我地以為自己好遲添...無碼頭要間水上船...出發...去程都唔算大浪...約30mins就到左1個膠筒碼頭...guide話只係放底d餸去餐廳...會再開船去其他幾個島玩浮潛...但係亞囡坐完船唔多妥...所以我地同另外有老人家ge外國人就上左島等佢地返黎lunch...唉...個灘真係細到無朋友...真係要我跑...由頭到尾都唔駛15sec已經跑完...大老爺就周圍行下佢話應該有第2個灘...但係行行下佢又返轉頭話好荒蕪...咁我地就係呢個沙好yau...但好細又無魚ge沙灘玩住等啦...好彩執到隻starfish比亞囡玩下...等等下等到落雨...好辛苦先等到佢地返黎...一齊行去lunch喇...行左無30mins都有20mins...終於見到個超大沙灘....不過勁大浪囉...亞囡著住lift jacket我都驚佢比浪卷走...而上餐廳條路亦都勁難行...真係攀山zip水出齊先上到餐廳...好彩呢餐又出奇幾好食wor...但係越食就越大雨...成班食飽只可以係餐廳hea...玩到無野玩就玩下雀同玩下鷹...超悶但又唔走得...因為有1家人唔怕落雨照出沙灘玩...hea到3點幾終於可以回程喇...回程大風大雨嚇到我...幾驚返唔到埋岸...好辛苦咁捱左30幾分鐘船程...再上番架van返酒店...回程第一站反而係我地落先...返到酒店...一路都落住雨...夜晚又出patong搵食...今晚去左gaab gluay restaurant...yummy...真真正正ge平令正...不過可能果晚落雨...門面又唔起眼...dau左2轉先見到個門口...呢餐真係無得頂...不過d侍應唔多識英文...溝通有dd困難...但係佢個menu泰英對照...用手指指比佢睇都ok...食飽又返酒店喇...大老爺落街搵按摩...我就陪亞囡zzz先...