Day 2

DAY 2

 

因為酒店無早餐, 一早plan好去搵多春茶室食多士飲咖啡, 位置就係tune出門口轉左手邊直行, 經過2-3次轉左轉右之後就搵到, 我地當然無咁好彩, 其實我地一出門口已經錯左, 最後係經當地人幫忙, 再車埋我地去, 當地人真係好熱心加好好人, 讚。

 

食飽無野做, 由於baba每次有野入肚都要放番d野出黎, 佢入左一間旅店解決,我就同房東先生傾計啦, 佢教我認住komtar, 去到邊抬頭望見到佢就會知自己去左邊, 唔會盪失路

跟住我地去komtar坐巴士204去極樂寺, 初初以為好悶, 不過沿路上山都有頂遮陰, 唔熱都ok, 上到去會見到有間舖頭, 果度有得坐欖車(實情我覺得似一部電梯)上山, 上到山有個未完工既觀音像, 好宏偉, 不過好熱, 所以我地好快就走lu

又再坐欖車返落山, 落到山腳有d食店, 我地揀左其中一間, 食左蝦麵, 雞飯, 咖喱麵, 全部都好味, 不過無冷氣, 食到身水身汗

沿路行返出大街, 上左203坐番出komtar, 先上左新komtar行一陣, 商場都係普普通通, 見到有按腳, rm30/45mins, 都ok當抖下, 一路按2個師傅手勢好好, 仲介紹我地去食地道攤檔, 就係sunway hotel旁(其後佢親自帶到我地去果度)

條街就比較細, 但食物真係好good, 眼見好多都係當地華人幫襯, 好食過新關仔閣又平, 而且果度行返去tune hotel都係15mins左右。