DAY 2

Day 2

 

今次旅程hea到爆, 基本上無行程, 只係隨心去到邊食到邊玩到邊,
瞓到自然醒就落餐廳食早餐先,
無咩揀(麵包/蛋/生果/炒粉/飯)而且好一般, 叫做食得飽可以頂住肚先再出去搵野食。

 

食飽揸車去phuket
town, 沿途落雨落到水浸。

 

之前幾次都無特別去行下呢個town,
今次反正有時間, 周圍兜下順便食傳聞中好好味既福建炒麵同雞飯, 入到布吉市真係易盪失路, 仲會好易發雞盲, 係鐘樓兜左幾轉睇住地圖明明係呢度, 但就係睇唔到>>>鐘樓/福建麵/雞飯, 開始想放棄時, 爸爸將車停埋一邊, 點知福建麵就係正我地左邊, 而鐘樓就係我地右手邊, 坐底叫左個福建麵+半打串燒, ok幾香, 再問埋福建麵d人原來雞飯係隔離街, 雞飯我始終覺得patong好食d(其實經過左幾次都睇唔到), 食飽行左陣又落雨。

 

開車去lemongrass
house。

 

買完返出黎就返巴東emotion揼骨, 2個鐘oil massage盛惠400b。

 

揼完骨就泊架車去junceylon,
行返出去no. 6, 坐佢地架貨車上山食晚飯, 環境一流, 價錢都好抵, 但係食物普通+麻麻地, 個泰仔仲不停行埋黎問係咪"姣痴"。

 

食飽又坐番架貨車落山, 拎返架車就返酒店zzz lu...又係落大雨....