DAY 3

Day 3

 

原本都唔想食citrus個早餐(真係太無野揀), 不過亞女始終細個搵d野比佢"朗"一"朗"肚先出車好d, 食飽去左行banzaan
fresh market, 發現入面有檔書報攤既店有得賣煙花/穿雲箭/仙女棒同砂炮, 再係banzaan market入面買左杯咖啡, 每次黎都必飲, 跟住出發去Kata既Metadee Resort。

 

Metadee Resort小插曲：

 

住左3日, 其實呢度每位職員都好好笑容好好禮貌，但係chk-in時, 個reception同我講，個booking係2大人, 依家多左個人要charge
1250b/晚, 又要解釋：我已經sd左email同你地講番係2大1小, 小朋友亦唔過12歲, 你地酒店policy只係charge over12歲既小朋友, right? 個姐姐黑面問我亞女幾大, 果下火火地叫佢自己拎番本passport睇(chk-in時我交齊3個passport比佢登記, 其實係咪應該自己攪清楚先向客人講番收charge呢d野), 老實我女得7歲又唔係生得高大, 點睇都唔似12歲, 到呢刻佢用計數機計完亞女幾多歲之後, 再行埋黎同我講, 都要收番亞女早餐錢, 750b/3日, 呢個我ok, 有時酒店早餐free比亞女係人情唔比你道理, 但佢要我即刻比晒750b仲要太串既樣, 我同佢講chk-out先計數, 我未必日日落黎食早餐架wor, 呢個係事實所以佢都無我符, 我亦都未試過除左房錢要之前比之外, 其他洗費要一早比定囉。

 

未夠鐘拎房, 就出去食個lunch先, 街邊食魚蛋粉。

 

仲有時間去Rawai
beach買定海鮮今晚晚餐, 交底比餐廳後就返酒店入房喇。

 

入房, 有deco好靚, 不過房比預期中細而且有dd舊但都可以接受(始終用原木傢俬係比較難保養), 廁所好大, 總括黎講係hotels.com用$5xx/晚包早有呢個質素, 都值。

 

游完水就返去Rawai beach食晚飯, 十個讚, 名副其實平令正,
1kg枇杷蝦, 半kg蜆, 半kg跳螺, 2隻藍蟹, 1條唔知咩斑都只係750b,
加功費佢只係計左我地300b(唔知點解咁平, 佢明明寫住100b/kg),
再叫多個菜, 1個白飯同3杯juicy shake, 十個正, 好滿足咁返Kata揼骨lu。