DAY 4

Day 4

 

今日揸車出返台南, 途經新化休息站落車抖抖, 當地人真係好熱心, 知道我地係遊客會主動問我地去邊, 教我地點行, 但係聽完佢轉左轉右直行再轉左轉右, 根本唔會記得, 不過都好欣賞佢地既好客。

 

出發到台灣鹽博物館, ok都值得黎見識下鹽係點製造出黎。

 

台鹽博物館職員介紹我地之後黎呢度, 睇黑面琵鷺賞鳥亭。

 

睇完就上車出發今晚既民宿喇,
真係民宿, 要同另一間房share洗手間架, 平平地住一晚, 都幾好, 起碼乾淨, 係張床細左d, um......房就無相喇, 下面條街唔記得係叫 "仙女宮"咁上下名, 係鹽田果度既當地大學生傾開計時介紹我地黎, 都唔錯呀, 好多野食好多野揀, 其實呢度係當地既一個小區, 有街市有食市咁。

放底野就出發去武聖夜市, 因為花園夜市星期三係唔開架, 退而求其次, 細少少都要去貢下, 其實個個夜市食/玩/買既野都係差不多, 只係規模大定細咁, 呢個都唔錯, 玩下食下都行左3個鐘。