Easter Khao Yai Trip Day 2

Day 2

朝早補番d酒店相...外觀都ok...lobby好ok...但房就真係...走廊更加係嚇c人

呢間酒店勁多國內團

酒店有天橋連接舊機場

今次同avis租車...1000b/日...另gps$200/日...車價貴少少...但佢有4hr走盞m我今次一早拎車但中午後先還車... hertz問過要count我3day...

email問無fit...所以租yaris...但最後又係比左部fit我

gogogo出發...出機場時有少少阻滯...事姦曼谷同一方向會有好多條行車線+天橋...但gps係認唔到你身在邊條路上面...所以則邊果個要幫眼望下應該行邊條線+幾時先轉...上到high way就無呢個問題出現

沿途好多有規模既休息站...

141km...2個鐘多dd車程終於到達farm chokchai...呢度係high way ge右邊...所以留意住右手邊...經過左之後搵路口u-turn返轉頭就m架喇...停車場免費

一入門口有幾個牛欄...羊欄...可以買奶/草餵佢地...但我地星期日去太多人...所以都無停留就再直行去到ticket counter睇左可以join邊場tour先...買左票再去搵到地方食...chokchai steak house係網上最多人講...亦都係最多人等..

最後我地去下面呢間steak hut...都係食扒...不過選擇應該少d

我地係車上面因為食左太多零食...baba+亞女未食得落...所以只係叫左一份豬扒share...肉質真係good...個汁都good...而且好抵食...為番都唔駛hk$100

夠鐘入場...先睇一個泰文講座...我地唔識聽...dry睇video應該係講chokchai農場既當年今日...

之後就去睇人手+機器揸牛奶

睇完再坐車遊園一周

落車放底係一個睇牛仔show地方...未開show前有d低能遊戲玩下...有馬騎(pony ride 40b/2圈)...成個tour約2個半鐘...基本上都係當地泰人去既地方..全程都係泰文...雖然唔識聽...但又唔會覺得悶...只係比較熱

呢度出既雪糕...勁似富豪雪糕味...勁滑...不過甜左少少

離開chokchai農場...再揸左成30km到resort...呢間野好正...不過房同pool細左d

晚餐揸番車出大路搵吃...求其搵左間(近palio)門面算大都幾靚既餐館坐底...打開menu...全泰文無圖...好彩老闆(應該)識少少英...+上body language...成功叫到雞肉炒飯(佢無菠蘿炒飯...亦無pad tai)...魚餅...炒菜

食飽行出大路...附近d屋都好有特式...

夜晚返酒店坐出露台...望住個pool可以觀星...

係hk已經好耐無見過咁多星