Day 2

DAY 2...今朝一早8點包車出發慕田峪長城...原本都有諗過坐地鐵轉公車...但係無買IC卡...坐公車又好似無SO...時間就係金錢...所以最段都係揀左包車...

即將到達長城...好荒蕪...

唔想行山...坐索道上山...凍到暈...原本係想坐欖車上...滑道落...但係司機叔叔話咁樣唔抵...話索道都好快到...唔好SIDE錢

終於到喇...冬天少人上長城...再加上揀去慕田峪...雖然遠少少...但真係最正確既選擇...上到去好似好荒蕪...行行下一D都唔凍...無乜人...行得好舒服

長城腳下...靚到5識形容

坐呢D滑道落山...亞女同老公玩得勁開心

落返山腳有間SUBWAY可以午餐...但我地揀左去附近食農村菜...但係食飽先醒起唔記得影相...

食飽叫司機叔叔車返我地去故宮...落車先比錢...之後就同司機拜拜喇...呢位司機叔叔人就好好...好老實...架車就舊少少...不過係好乾淨既...都值得推介...

午門入口


御花園

呢度係後門...一出對面就係景山公園入口

行上景山公園頂...可以影返故宮全景...可惜今次無帶大機...

景山公園無咩好行...兜左陣就坐的士去東華門食街...其實就係王府井大街附近...短短地一條街囉...賣既野同王府井食街無分別...分別在於價錢...

點解又要返黎王府井...其實係因為今晚要黎呢度打邊邊...北京上海好出名既"海底撈"...其實有好多間分店...但係呢間比較易搵所以就揀呢間...係北京銀泰百貨樓上...我地5:XX去到已經勁多人等位...但係唔駛怕...呢間野出名在於等位期間...會有小食供應...有飲品比你飲...有檯有凳比你捉不同款式既琪...有接摩服務...有擦鞋服務...仲有修甲服務...等候期間通通免費......我地等左約15分鐘就有檯...D檯勁闊落...唔迫唔嘈...




叫左有名既蕃茄濃湯併麻辣湯底...食物種類唔算多...但可以叫半份...咁就可以試多幾樣...

寸爆用IPAD點餸...仲可以要黎打機...呢度有FREE WIFI...食飽仲可以出去拎生果...當然都係FREE啦

食飽又坐地鐵返酒店,,,經過地攤檔仔見到呢個MASK...好攪笑...原價RMB20...講價後RMB5