Day 3

Day 3

頤和園...如果要落下面係要另加入場費...我地見結晒冰又無舖頭開...所以係上面影相就算

北京條條樓梯都又直又長...行c人

離開頤和園...坐地鐵去鳥巢 & 水立方...我地日頭去...無乜特別...睇人地d blog...夜晚去開左燈應該靚好多...但就預左一定勁食風...地方好好好好大...又係行c人

係水立方則邊食個mc記繼續行程(方圓百里除左mc記都搵唔到一間食店...當時已經點幾鐘見肚餓)...食飽就打的去荷花市場...則邊就係什剎海...一見到亞女已經話要玩滑冰...而且好抵玩

下面呢個價錢講緊係玩全日無限時

聖誕上京唔多人...點玩都得

玩左1個鐘左右其實都好攰...還番d野就去搵三輪車遊胡同...叔叔開價唔記得幾多(唔少過rmb200)話係公司收費...baba還價rmb90...睇住叔叔真係好辛苦...車住我地3條友真係攰到呢...遊胡同呢段約1hr...不過我覺得有時間...都係自己慢慢行好...附近好多食市...酒吧...cafe...

總括黎講...什剎海/前海/後海/荷花市場/煙袋斜街...係可以hea一日慢慢食行玩買...我同baba都好like呢個地方...見到地鐵興建緊呢段...如果地鐵可以通埋呢邊...就會方便好多

夜晚卜左花家怡園(簋街四合院總店)...什剎海附近...近還近...都係坐車好d...

呢個係唔知咩豆腐...似蒸蛋白...最好味呢個...其他食物我覺得一般...

呢個烤鴨好差囉...上檯已經係凍...硬掘掘...配菜懶型咁但好奇怪

呢條簋街成條都係食市...勁旺...間間都排晒長龍...呢度出名係食麻辣小龍蝦